Thursday, 18 September 2014

Doodeet worsgereg

Bestanddele
1 ui 1 soetrissie
25ml sonneblomolie
2ml borrie
12,5ml blatjang
knypie peper
410g appelkooshelftes
10ml kerriepoeier
500ml kookwater 
5 ml sout
500g rou boerewors 
375ml rou rys 
grasuie vir garnering (opsioneel) 

Metode
Skil en kap ui fyn. Halveer, en sny die soetrissie aan repies. Soteer uie en soetrissie in olie. Voeg kerriepoeier en borrie by en roerbraai effens. Voeg kookwater, sout en peper en blatjang by en kook 2 minute lank. Sny wors in stukkies en pak dit in oondvaste bak. Skep uiemengsel oor wors en versprei egalig. Versprei appelkoos- helftes oor wors en giet sap ook oor. Strooi rys bo-oor, plaas deksel op en bak teen 200C, 45 minute lank. Roer liggies om, garneer met uiegras en sit warm voor. 

FRIKKADELLE

Bestanddele
1 kg maalvleis. 
2 uie, fyngerasper. 
1 aartappel, fyngerasper. 
4 snye witbroodkrummels. 
1/4 kop. melk. 
2 eiers. 
2 eetl. tamatiesous. 
2 eet. worcestersous. 
2 eetl. bladjang. 
1 tl. sout. 
bietjie peper. 
2 tl. knoffelsout. 
2 tl. gemengde speserye. 
1 tl. kerriepoeier. 
2 tl. Aromat. 
1 eetl. suurlemoensap. 

Metode
Meng alles goed. Maak balletjies en bak in kookolie teen 180 Grade C, aan albei kante tot gaar. 

Suurlemoen meringue-tert

Bestanddele
Ek gebruik 'n beskuitjiekors - 3/4 pakkie Marie beskuitjies en 80 ml margarien, gesmelt. 
397g-blikkie kondensmelk 
125 ml suurlemoensap 
3 eiers, geskei 
125 ml strooisuiker 
5 ml asyn 
15 ml mielieblom (Maizena) 

Metode
Voorverhit die oond tot 180oC. Berei die kors en druk dit vas in 'n tertbord. (Ek maak altyd my meringue eerste, dan hoef ek nie nog die klitsers te was voor ek die gele berei nie - regte lui huisvrou!) Klits die eierwit, en voeg die strooisuiker geleidelik daarby tot dit styf is. Klits nou die asyn en mielieblom by. Klits die eiergeel saam met die kondensmelk en suurlemoensap. Gooi dit in die tertkors. Skep die meringue bo-op. Bak vir 10 minute of tot ligbruin.(Nie veel langer nie, anders word die meringue taai en dit kan brand.) Verkoel voor opdiening (indien verkies). 

Wednesday, 17 September 2014

LEWER BOBOTIE MET APPEL

Bestanddele
1 dik sny bruinbrood 
500g skaap of beeslewer 
1 ui, fyngekap 
1 groot groen appel, geskil en in blokkies gesny 5 ml borrie 
30ml fyn appelkooskonfyt 
2 ekstra groot eiers, geklits 
2 lourierblare 
125ml melk 
sout en peper 
2 knoffelhuisies, fyngedruk 
15 ml matige kerriepoeier 
30ml blatjang 
30 ml suurlemoensap 
250ml melk 

Metode
Voorverhit die oond tot 180C. Spuit n oondvaste bak van 24x24x5cm met kleefwerende middel. Week die brood in die melk sag en maak fyn. Maak die lewer skoon: Trek die vliese af en sny enige harde senings uit. Indien jy beeslewer gebruik, laat 30 minute lank in lou sout water lÍ. Sny in blokkies en geur met sout en peper. Braai in verhitte olie tot bruin van buite. Skep uit en hou eenkant. Soteer die ui en knoffel tot sag en voeg die appel, kerrie en borrie by en roerbraai nog een minuut lank. Voeg die blatjang, appelkooskonfyt en suurlemoensap by en meng. Voeg die gebraaide lewer by en meng goed deur. Skep in die voorbereide oondbak. Klits die eiers en melk goed saam en giet bo-oor. Rangskik die lourierblare bo-op. Bak 30-45 minute lank of tot gaar en gestol. Dien dadelik op saam met gestoofde perskes en rys. 

Blitsige Maalvleis-en-bone Kerrie

(Hierdie resep is 'n staatmaker wanneer  die finansies soms min is en die gebakte bone redelik  goedkoop is. 

Bestanddele
1 ui, gekap 
250 - 500 g beesmaalvleis 
1 blik gebakte bone in tamatiesous 
kerrie na smaak 
sout en peper na smaak 
olie 

Metode
Soteer die ui in die olie tot sag. Voeg die kerriepoeier by en braai vinnig. Voeg die maalvleis by en braai tot bruin. Voeg bone en smaakmiddels by en bring tot kookpunt. Bedien saam met rys en mengelslaai en jou gunsteling 'chutney' (blatjang). 

RatingWidget